Toshkent shahar Yunusobod tumani 5-maktabda 2022-yilning 5-sentyabr kuni  "Birinchi qo'ng'iroq" va “Bilimlar kuni” tadbiri bo'lib o'tdi. Tadbir boshida maktab rahbari so'zga chiqib, yig‘ilganlarni yangi o'quv yilining boshlanishi bilan qutladi. Tadbirda maktab o'quvchilari va ularning ota-onalari, o‘qituvchilar, mahalla faollari, Xalq ta'limi xodimlari ishtirok etishdi. Mustaqil diyorimizning 31-yilligiga yangi o‘quv yili  "Yangi O‘zbekistonda el aziz,inson aziz!" shiori ostida “Mustaqillik darslari” bilan boshlandi. Ushbu darslarda istiqlol yillarida erishilgan yutuqlar, yoshlar tomonidan qo‘lga kiritilgan katta g‘alabalar hamda milliy tarixning yorqin lavhalari haqida so‘z yuritildi. Maktabga ilk marotaba qadam qo‘ygan o'quvchilarga 12 turdagi o‘quv qurollari, maktab sumkasi va darsliklar majmuasidan iborat Prezident sovg‘alari sinf rahbarlari tomonidan topshirildi.